Presidenti i Turqisë Rexhep Taip Erdogani ka shpallur “armik të shtetit” basketbollistin turk të NBA Enes Kanter. Sipas mediave të huaja, Prokuroria e Stambollit ka lëshuar urdhër-arrest për 26-vjeçarin duke e akuzuar si bashkëpunëtor të klerikut Fetullah Gylen, që në Turqi konsiderohet si organizatori i grushtit famëkeq të shtetit në korrik të 2016 dhe krijuesi një shteti paralel brenda vendit.
Lojtari ka shprehur vazhdimisht kritika për regjimin e Erdoganit. Ai tashmë është në kërkim nga Interpoli. Kanter nuk udhëtoi me ekipin e tij Neë York Knicks për një ndeshje miqësore në Britani.