Statusi i gazetarit Ervin Baku që kishte udhëtuar me Kombëtaren në Gllasgou për ndeshjen ndaj Skocisë ngre hije dyshimi për gjendjen brenda ekipit kuqezi.
Humbja 2-0 në "Hampden Park" do të ishte e keqja më e vogël po të bëhej fjalë vetëm për rezultatin në fushën e lojës. Por thirrjet e teknikut italian ndaj lojtarëve zor se mund të quhen normale (gjithmonë nëse raportimi është i vërtetë).
"Forca puttana", (forca kurva) u thërriste Panuçi lojtarëve gjatë ndeshjes dhe në fund kur po hypnin në autobuz. Natyrisht mund të jetë një zhargon deri diku normal mes shokësh, por në një ekip Kombëtar mes trajnerit dhe lojtarëve, dhe aq më pak në ato rrethana humbje dhe loje të dobët, minimalisht mund të quhen të pamatura.
Kjo natyrshëm ngre shumë pikëpyejtje rreth situatës në ekip dhe komunikimit mes grupit. Gjithsesi dukshëm situata nuk është ajo që ka qenë, dhe çunat nuk janë më aq të qetë sa dikur.
