Si ndryshon formacioni i Kukësit nesër ndaj Rudarit

Kukësi nis nesër aventurën europiane dhe shorti në Europa League ka qenë disi bujar për të, edhe pse nuk ka ndeshje të lehta. Trajneri Hasan Lika mbyll sot përgatitjet për ndeshjen me Rudarin, që zhvillohet nesër në stadiumin “Elbasan Arena”. Ai e ka gati 11-shin e minutës së parë, ku lojtarëve të sezonit të kaluar u shtohen Muça dhe Rangel në mesfushë.

Kukësi pritet të luajë nesër me këtë formacion: Koliçi në portë, Hallaçi, Shameti, Malota dhe Mici në mbrojtje, Karioka, Muça, Musolli dhe Rangel në mesfushë, dhe në sulm dyshja e përbërë nga Dvornekoviç dhe Emini.