Ish-trajneri i Tiranës, Emmanuel Egbo ka folur për sezonin aktual të Superligës. Tekniku që nxori Tiranën kampion pas 11 vitesh, për Report TV ka rrëfyer suksesin, i cili u bazua mbi punë dhe besim. Nigeriani tregon se si besimtar në Zot nuk i ka hyrë akujt në hak, andaj edhe bardheblutë dolën kampion.
Egbo mendon se ky është një sezon i dobët për Superligën, pasi skuadrat kanë pësuar shumë luhatje. Në fund edhe një mendim për Tiranën, që mund të merret si këshillë edhe nga trajneri Nevil Dede në lidhje me pozicionet e lojtarëve në fushë.
"Gjëja e parë që duhet të mendojë një njeri kur del për të folur duhet të pyesë veten: a ka arritur ky trajner dhe staf të dalë kampion?! Unë e kam parë Grent Halilin si lojtar ekipi dhe jo si djalin e presidentit sepse ky jam unë. Nëqoftëse unë i kam hyrë njeriu në hak, sepse jam besimtar në zot, ai ekip nuk do të kishte dalë kampion.
Unë e kam nisur sezonin me atë ekip dhe kam shumë vlerësim për futbollistët. Kam thënë shpesh se ka lojtarë të mirë brenda ekipit, por varet si e përdor, çfarë sistemi përdor dhe si i jep lojtarit mundësinë për të shprehur veten. Duhet ta vendosësh në pozicion natyral dhe mbi të gjitha duhet të vendosësh me sinqeritet e drejtësi kush e meriton për të qenë në fushë pasi kjo është shumë e rëndësishme.
Ky kampionat është më i dobti nga të gjitha sezonet që kam qenë në Shqipëri, sepse ka shumë luhatje. Ti fiton një ndeshje sot dhe shkon në vendin e dytë, ndërsa nëse humbet, shkon në vendin e shtatë. Ka vetëm tre pikë diferencë nga vendi i dytë në të shtatë", tha mes të tjerash Egbo.
Lexo gjithashtu
