Trajneri i përfaqësueses kuqezi, Xhani De Biani ka thënë që Shqipëria do t'i ketë të vështira ndeshjet në kualifikueset e Botërorit "Rusi 2018". Sipas "Il Gazzettino" tekniku italian e sheh të paktë mundësinë për një kualifikim të mundshëm, teksa në grup ka ekipe si Italia dhe Spanja.
"Do të kalojnë Spanja dhe Italia, mbetet për t’u parë vetëm se cila do të jetë e para në grup. Pastaj jemi ne të Shqipërisë dhe Izraeli, Maqedonia dhe Lihtenshtejni. Ventura në pankinën e Italisë? Në fund të fundit sapo u martua, është shumë i karikuar. Vlerësimi nga Federata ka qenë shumë i kujdesshëm”, tha tekniku pankinës kuqezi.
De Biazi nuk harroi të fliste edhe për Euro 2016, për atë triumf të Portugalisë me Francën.
“E meritoi fitoren vetëm pas gjysmëfinaleve. Në grupin kualifikues e mundëm jashtë, ndërsa edhe Francës i lëshuam vetëm një pikë në dy ndeshje, por ishte jashtë klasifikimit, si vend organizator.
Më të mirët e Europianit? Bufon është portieri që më pëlqeu më shumë, mes mbrojtësve ishte Humels, ndërsa në mesfushë ishte 18 vjeçari Renato Sançez. Në sulm nuk di kë të zgjedh. Jo Cristiano Ronaldon, pasi ndikoi shumë pak, as Eder, goleadorin e finales. Kundër Shqipërisë shkëlqente për golat që gabonte”, ishte ironia e trajnerit.
Lexo gjithashtu
