“Grazie Albania”, është titulli i gazetës italiane më të madhe sportive, La Gazzetta Dello Sport, e cila falenderon në mënyrë ironike Shqipërinë që ka zënë vendin e parë për trukimet në futboll.
Arsyeja? Falë Shqipërisë, Italia renditet e dyta në renditjen e FIFA-s për vendet me trukimet më të mëdha në kampionatet e tyre të futbollit. Gazeta italiane e ka konsideruar si “një pozicion që të bën të skuqesh prej turpit” dhe shton se futbolli italian duhet t’i thotë faleminderit Shqipërisë që nuk ia “la” vendin e parë në këtë renditje të turpshme.
Shqipëria,e para në botë për trukim ndeshjesh në dy vjet e gjysmë ka pasur 97 ndeshje të trukuara kundër 70 në Itali. Pra, kategori superiore… në trukim.