Shqipëria mori dje një fitore me vlera ndaj Izraelit. Edhe pse ndërtimi i plotë i përfaqësueses kuqezi kërkon ende kohë, kuqezinjtë marrin atë çfarë është më e nevojshme: 3 pikët. Por nga ana tjetër Kombëtarja jonë ka fituar një tjetër gjë të çmuar: mbrojtësin e ri Egzon Binakun. 23-vjeçari që mori përsipër të mbulonte krahun e majtë të mbrojtjes dëshmoi se dinte të përshtatej shumë shpejt në pozicionin që mbulohej me fanatizëm prej vitesh nga Ansi Agolli.
Panuçi mori kritika për mënjanimin e veteranit që luan në Azerbajxhan me Qarabagun, por thirrja e Binakut dhe hedhja e tij në fushë tregoi se italiani pati të drejtë që nevojitej një element që do të garantonte të ardhmen. Qetësi, maturi dhe kujdes ishin atributet më të mira që futbollisti i lindur në Suedi demonstroi dje në fushë. Ai mori përgëzimet nga tifozët dhe tekniku Christian Panucci.
Loading ...
