Shqipëria e 19-vjeçarëve bindi në testin e parë miqësor të këtij sezoni. Djelmoshat kuqezi të drejtuar nga Nevil Dede mposhtën me rezultatin 3-1 Kosovën falë dopietës së futbollistit të Tiranës Ernest Muçit dhe sulmuesit të Chelseat Armando Broja.
Shqipëria dominoi bindshëm në takimin e luajtur në stadiumin e Feronikelit duke mbyllur takimin me shifrat 3-1.
Të dyja skuadrat do të zhvillojnë një tjetër test miqësor midis tyre pas dy ditësh në stadiumin e Prishtinës “Fadil Vokrri”.
“Kombëtarja shqiptare e 19 vjeçarëve, e drejtuar nga trajneri Nevil Dede, ka arritur të fitojë me rezultatin 3-1 ndaj bashkombasve të Kosovës në ndeshje e parë miqësore të zhvilluar ditën e sotme në Drenas, në stadiumin “Rexhep Rexhepi”.
Kuqezinjtë e trajnerit Dede kanë zhvilluar një lojë të bukur në pjesën e parë, duke luajtur një në sulm. Kosova kaloi e para në avantazh me anë të Albin Prapashticës që kaloi vendasit në avantazh në minutën e 33-të. Përtej disavantazhit kuqezinjtë vazhduan lojën sulmuese dhe arritën të barazojnë në minutën e 42-të me anë të Ernest Muçit. Me rezultatin 1-1 u mbyll dhe fraksioni i parë i ndeshjes. Në pjesën e skuadra e Dedes ka dominuar mbi kundërshtarin duke arritur të shënojë dy herë, me anë të Muçit përsëri në minutën e 69-të dhe Armando Brojas në minutën e 80-të. Goli i sulmuesit të Chelsea vulosi dhe rezultatin 3-1 që nuk ndryshoi deri në fund. Kosova dhe Shqipëria do të luajë dhe një miqësore tjetër, më datë 5 Qershor në Prishtinë në stadiumin “Fadil Vokrri”.
Shqipëria U-19 zbriti në fushën e lojës me këtë formacion: Malaj, Rexhepi, Lucaj, Selishta, Hida, Morina, Rrapaj, Karica, Muçi, Prengaj dhe Broja (U aktivizuan: Shiba, Beqja, Selita, Haveri, Asllani dhe Ajazi)”.
Loading ...
