Shorti i Kualifikuesve të Botërorit 2022 vuri përballë Shqipërinë me disa ekipe si Hungaria, Polonia dhe Anglia. Në një intervistë për Ora Neës, Presidenti i Federatës Shqiptare të futbollit, Duka shprehet se kuqezinjtë nuk duhet të dorëzohen, por të provojnë shanset e tyre. Pavarësisht nivelit të rivalit, askush nuk mund të fitojë në letër, thotë numri një i FSHF. Diçka u tha edhe për rinovimin e Air Albania, apo objektivat e vitit të ardhshëm.
"Për ta parë gjysmë plot gotën, mungesa e lojtarëve na bëri të testojmë shumë lojtarë të rinj. Mos ishim në kushte të pazakonta, iniciativa për t'i aktivizuar do ishte më e stepur. Test real do jetë nëse do kthehen tifozët.
Kualifikueset e Botërorit 2022 - Asnjë ndeshje nuk fitohet në letër apo humbet. Duhet të përgatitesh mirë. Për nga procedura apo vazot, Anglia është ekip i mirë. Fatkeqësisht kemi një histori të keqe me Hungarinë, pasi nuk i kemi mposhtur asnjëherë. Ne do t'i provojmë të gjitha shanset tona. Duhet të tentojmë Play Off, qoftë nga Nations League, apo rrugë tjëtër. Fitorja me Lituaninë do na peshojë pasi do ishim në vend të 10-të. Unë kam besim se ne mund të luajmë ndaj çdo lloj kundërshtari. Ne mund të fitojmë ndaj tyre në Tiranë"
Rinovimi i Air Albania - Ne e kemi vendosur që do ta rinovojmë Air Albania. Kjo procedurë do bëhet për ndeshjen e marsit. Në qershor do jetë fusha e re. Ne projektet e UEFA, ne kemi përfituar diçka. Në këtë stadium që do luhet finalja e Conference League, një pjesë do na mbështesë.
Objekivat- Padyshim infrastruktura. Gjithashtu, mund të flasim për futbollin e femrave dhe fëmijëve. Këto janë objektivat tanë kryesor.T'a çojmë para futbollin shqiptar - Tha Duka.
