Roma ka arritur të fitojë në transfertë me rezultatin 1-4 kundër Peskarës së Ledian Memeushajt. Në këtë mënyrë skuadra kryeqytetase ka “blinduar” vendin e dytë. Ekipi i Spaletit e dominoi totalisht takimin duke marrë tre pikë të rëndësishme.
Naingolan dhe Strotman shënuan në pjesën e parë, ndërsa në të dytën “firmosi” Salah me dopietën e tij.
Për Peskarën shënoi në minutën e 84-të Benali, pasi një asisti të dhënë nga Ledian Memushaj. Mesfushori kuqezi luajti për 90 minuta duke qenë ndër lojtarët më të mirë për Peskarën.
Pas këtij takimi Roma ndodhet në vendin e dytë në kuotën e 75 pikëve, ndërsa Peskara në vendin e fundit me 14 pikë.