“Shkatërrohet” ekipi i Kategorisë së Parë, situata financiare detyron lojtarët të largohen, zyrtarizohet i fundit

Sot, është zyrtarizuar largimi i Roland Peqinit nga Elbasani. Peqini është bashkuar me Elbasanin në fillim të sezonit, por kushtet e vështira financiare kanë detyruar mbrojtësin të bëjë këtë zgjedhje të vështirë.

Ky nuk është largimi i vetëm nga ekipi, pasi vetëm dy ditë më parë u largua mesfushori Enkejl Alikaj dhe Emiljano Shehaj. Largimet e shumta po “shkatërrojnë” ekipin, duke krijuar një gjendje të vështirë për të gjithë.

Futbollisti që është larguar së fundmi,  ka tërhequr dokumentacionin dhe pritet të mësohet ekipi i tij i ri. Përveç tre largimeve të fundit, ende pritet që Elbasanit t’i largohen të tjetër futbollsitë, duke lënë pas për drejtuesit e klubit vetëm problemet e shumta që janë krijuar së fundmi.