Ndërsa Superliga ka nisur sot rrugëtimin, Kategoria e Parë shfrytëzon kohën e mbetur për të testuar forcat përpara nisjes së sezonit të ri. Dy skuadrat e grupit A të Kategorisë së Parë Besëlidhja dhe Korabi janë përballur sot në Lezhë në kuadrin e fazës përgatitore.
Takimi ka përfunduar në paqe 1-1. Fillimisht kanë qenë dibranët që kanë kaluar në avantazh, ndërsa në pjesën e dytë ishin lezhjanët që vendosën baraspeshën. Besëlidhja pati mundësinë e artë të kalonte në avantazh, por goditja u ndal mrekullisht nga portieri i ardhur nga stoli Qyrani.
Lajmin për ndeshjen e sotmee ka dhënë vetë klubi i Korabit në “Facebook”.
“Ndahet në paqe takimi i tretë miqësor: Besëlidhja 1-1 Korabi. Korabi udhëton drejt Lezhës për të zhvilluar takimin miqësor me Besëlidhjen. Korabi kalon në avantazh në minutën e 20-të me Karajn që shërbehet bukur nga Hoxha dhe godet në hyrje të zonës në krah të djathtë të portierit. Pjesa e dytë nis me ritëm tjetër dhe dy ekipet kryejnë zëvëndësime për t’ju dhënë mundësi të gjithë lojtarëve. Besëlidhja barazon në minutën e 70 dhe fill pas barazimit kryesori i takimit akordon 11-metërsh për vendalinjtë. Qyrani, i cili pjesën e dytë zuri vëndin e Birjes i mohon golin e dytë Lezhjanëve dhe vulos takimin deri në fund 1-1.
Formacioni: Birja, Dida, Doçi, Osmani, Kalluci, Trimi, Karaj, Murrja, Raza, Kovaçi, Hoxha
U aktivizuan: Qyrani, Koçi, Bogdani, Veseli, Skuka, Reçi, Ibishi, Shehu.”
Të dyjaskuadrat do të njihen me kalendarin e sezonit të ri ditën e hënë, ndërsa edicioni i 71-të do të nisë në fatën 9 shtator dhe përfundon në 25 maj të vitit tjetër.
Loading ...
