Kombëtarja e Shqipërisë për femra ka humbur ndeshjen e sotme të vlefshme për eliminatoret e Kupës së Botës "Francë 2019" kundër Skocisë me rezultatin 2-1.
Takimi i luajtur në "Loro Boriçi" pa një sfidë mjaft të luftuar, me vajzat kuqezi që shfaqën një lojë mjaft të mirë dhe të organizuar. Megjithatë skocezet kaluan të parat në avantazh me anë të Little në minutën e 9-të.
Këmbëngulja e ekipit tonë u shpërblye në minutën e 45-të me anë të Docit, për të ardhur më pas goli i dytë nga Skocia në të 68-tën me anë të Rose. Aq mjaftoi që miqtë të merrnin fitoren dhe njëkohëisht kualifikimin për evenimentin e rëndësishëm që do të zhvillohet vitin tjetër, pasi e mbyllin grupin në vendin e parë me 21 pikë, 2 më shumë se Zvicra e vendit të dytë. Në vendin e tretë renditet Polonia me 11 pikë, me Shqipërine me 4 pikë që arrin të lë prapa vetëm bjelloruset me një pikë më shumë.
