Klubi i Teutës është duke bërë mirë këtë sezon në Superiore, ku me paraqitjet e bëra konfirmojnë ecurinë pozitive të një sezoni më parë. Durrsakët njihen si një klub që vlerësojnë futbollistët e akademisë duke iu dhënë shpesh herë hapësirat e duhura.
Mirëpo tashmë klubi i Teutës nuk është i fokusuar vetëm tek futbolli i meshkujve, por edhe tek ai i vajzave. Ditën e sotme në ambientet e stadiumit “Niko Dovana”, nën kujdesin e trajnerëve Zamira Greca dhe Albano Doraci kanë kryer një trajnim mbi rregulloren e re të futbollit së bashku me arbitren Mirela Çemeri.
