Shakohoxha e dredh, ja mashtrimi me premtimin!

Premtoi se do të zhytej në lumë, nëse Kombëtarja jonë do të fitonte me Rumaninë dhe më pas, pas fitores, konfirmoi se do ta mbante këtë premtim. Dhe zhytjen e ka bërë, por me hile, sepse është futur në det dhe jo në lumë. Pas ndeshjes historike me Rumaninë nuk i vëmë faj, sepse ishte në krye të detyrës, ndërsa një ditë më pas u nis për në qendrën e kuqezinjve, në Perros Guirec. Dhe këtu ka dashur t’u mbushë mendjen njerëzve se është një njeri i fjalës, por ka zbuluar pa dashje se është pak hileqar. Megjithatë, e meriton një “Bravo!”, sepse është përpjekur, madje ka sfiduar edhe kushtet e këqija të motit. Shako, tani matu mirë para se të premtosh!