Chelsea pritet të rrisë çmimet e biletave për sezonin 2024-2025 në Stamford Bridge pavarësisht paraqitjeve të tmerrshme këtë vit kalendarik. Sipas The Standard, diskutimet në një sërë takimesh kanë bërë që bordi të parashikojë rritje të çmimeve, megjithëse asnjë vendim përfundimtar nuk është marrë.
Blutë e përforcuan ekipin e tyre duke shpenzuar mbi 1 miliard euro gjatë 3 merkatove, por për të qenë në rregull me kushtet e UEFA-s për Fair Play Financiar do të duhet të gjenerojnë më shumë të ardhura. Kostoja e mirëmbajtjes dhe drejtimit të Stamford Bridge është rritur me 31% që nga viti 2018 pasi inflacioni ka ndikuar rëndë industrinë e futbollit.
Në një epokë të kufizimeve financiare nga Premier League dhe UEFA, Chelsea, nga ana tjetër, ka marzhin më të ulët operativ nga gjashtë skuadrat tradicionale të para, gjë që përfundimisht kufizon sa mund të investohet në fushë.
Lexo gjithashtu
