Sot në orën 20:45 kombëtarja e Shqipërise do të luajë takimin e radhës kualifikues ndaj Moldavisë. Në këtë transfertë kërkohet vetëm fitorja, nisur edhe nga kundërshtari që do të kemi përballë. Ndeshja e parë për EURO 20 e zhvilluar në "Elbasan Arena", përfundoi 2-0 për tanët.
Numri një i stolit kuqezi duket se e ka projektuar 11-shen titullare që do të rreshtojë në mbrëmje. Nga mbrëmja e Stambollit pritet të ketë 4 ndryshime në formacion. Berisha pritet të vendoset mes shtyllave dhe Kumbulla të debutojë në mbrojtje. Abrashi pritet ta nisë si titullar në mesfushë, ndërsa në balotazh për linjën e djathtë janë Roshi dhe Veseli, me këtë të fundit që e nisi nga minuta e parë ndaj Turqisë. Sulmi pritet t'i besohet serish dyshesh Manaj-Cikalleshi.
Formacioni i mundshëm (3-5-2) - Berisha; Ismajli, Kumbulla, Gjimshiti; Roshi(Veseli), Bare, Gjasula, Abrashi, Lenjani; Manaj, Cikalleshi
