Në kuadër të javës së 31-të të Serie A, Roma ka pritur në ‘Olimpico’ ekipin e Fiorentines. Verdhekuqtë morën një humbje të papritur nga vjollcët dhe tashmë komplikojnë pozitat e tyre në zonën e Champions League. Dy gola të shënuar nga Benassi dhe Simeone në pjesën e parë vendosën rezultatin 0-2 për Fiorentinën. Nga ky hap i gabuar i Romes, gëzojnë Inter dhe Lazio që kanë mundësi të parakalojnë verdhekuqtë në rast fitoreje në takimet e tyre nesër.
Atalanata e Berishes u ndal në një barazim 1-1 me SPAL. Bergamaskët kaluan në disavantazh fillimisht ku për SPAL shënoi Cionek. Gjithçka u barazua në pjesën e dytë nga De Roon. Në ndeshjen tjetër të luajtur në mesditë, Juventus fitoi 2-4 përballë Beneventos ku shkëlqeu me një tripletë, Paulo Dybala.