Kampionati në Spanjë ashtu si në të gjithë botën është ndalur për shkak të pandemisë së Covid-19. Mesfushori i Kombëtares, Keidi Bare i cili aktivizohe te Malaga nuk dëshiron që në këto momente të vështira të luhet futboll. Në një intervistë për “Sportdirect Radio”, Bare foli për situatën e coronavirusit, rikthimin në fushë si dhe ditët e karantinës.
Rikthimi i futbollit? “Shëndeti i njerëzve është kryesori. Unë nuk dua të luaj teksa spitalet janë të mbushur me njerëz që po vdesin. Nuk është normale që të luhet futboll në këtë situate. Nuk mund të luaj duke parë që ka njerëz të sëmurë që vdesin, të shohim çfarë do të ndodhë kur të mbarojë gjithçka”.
Klubi i Malagas? “Me trajnerin flas gjithmonë, telefonojmë njëri-tjetrin për të parë se si po shkojnë gjërat. Ndodh e njëjta gjë me shokët e skuadrës. Për çështjen e pagave nuk kemi biseduar, askush nuk më ka kontaktuar. Nuk kam asgjë për të thënë në lidhje me këtë”.
Forma fizike? “Ndihem shkëlqyeshëm. Jam i qetë, sepse dëmtimi ka kaluar. Ndihem i sigurt dhe mezi pres të luaj një ndeshje ose stërvitje në një fushë të madhe. Unë kurrë nuk vendos kufij për të arritur diku, gjithmonë dua të shkoj më tej. Dua të rritem dhe do të bëj më shumë, jam shumë i qartë në lidhje me këtë”.
Ditët e karantinës? “Luaj me prindërit e mi, telefonoj miqtë, bisedoj me ta gjatë gjithë kohës dhe ndonjëherë lexoj një libër. Kështu që koha kalon, nuk mund të bëj asgjë interesante. ‘Play Station’? Nuk kam luajtur kurrë, nuk më pëlqen. Më pëlqejnë serialet dhe filmat”.
Lexo gjithashtu
