La Liga do të rikthehet në datën 11 qershor për të zhvilluar duelet e lënë në mes për shkak të Pandemisë. Nga Spanja japin lajmin se bashkë me futbollin do të rikthehen edhe tifozët në shkallët e stadiumit, ndërsa që kjo gjë të ndodhë duhet pritur fundi I qershorit, atëherë kur Liga dhe Qeveria mund të japin Ok-in për këtë situatë.
Në shumicën e vendeve evropiane ligat elitare do të zhvillohen pa tifozë, ndërsa Spanja po mendon për një “revolucion”. 28 qershori parasheh kthimin e tifozëve në ndeshjet e La Ligas, ndërsa numri I tyre do të jetë I kufizuar. Ende nuk është vendosur protokolli I sigurisë, por sigurisht që për një kohë të gjatë nuk do të shohim stadium të tejmbushur.
