Trajneri i Kombëtares së Shqipërisë në Futsallë, Erind Resuli ka qenë sot pjesë e një konference për shtyp në prag të Kualifikueseve që do të zhvillohen në Azerbajxhan, "Futsallë Euro 2018 Main Round".
Trajneri i kuqezinjve ka deklaruar se mungesa e vetme është ajo e kapitenit të skuadrës, Halimit, i cili ka pësuar një dëmtim.
Për sa i përket kundërshtarëve që do të ketë përballë Shqipëria në këto kualifikuese, trajneri Resuli pranoi se është një grup shumë i vështirë ai ku bën pjesë Shqipëria, pasi do të ketë skuadra si Azerbajxhani, Hungaria dhe Bosnje-Hercegovina.
"Aktiviteti për eliminatoret e "Euro 2018" do të nisë më datë 8 prill. Do të marrin pjesë skuadra me nivel të lartë siç janë Azerbajxhani, Bosnja dhe Hungaria.
Grumbullimi do të kryhet në Prishtinë më datë 2 prill. Skuadra është e plotë me përjashtim të kapitenit, Halimit, që ka pësuar një dëmtim dy javë më parë.
Është një minus i madh për ne, por jam i bindur se gjithë skuadra do të punojë për ta mbuluar këtë vakum.
Edhe në këtë grumbullim është e njëjta organikë që kishim në kualifikueset e Bullgarisë.
90% e skuadrës është e përbërë nga lojtarë që aktivizohen jashtë Shqipërisë, kryesisht në Itali, Çeki, por edhe në Kosovë.
Mendoj se është një gërshetim i eksperiencës me moshën e re. Në ekipin tonë ka rinovim të theksuar në skuadrës. 60% e skuadrës janë lojtarë me moshë nën 25 vjeç.
Dëshira e tyre për dhënë maksimumin me Kombëtaren ka dhënë edhe rezultatet e arritura së fundmi.
Është një arritje që nuk ka ardhur rastësisht. Hapin e parë ne e hodhëm. Tani presim të japim maksimumin edhe në kualifikueset e "Elite Raund" që të dërgon direkt për në europian. E thashë se vështirësia është më e madhe tani. Flasim për Azerbajxhanin që është e 7 në kalisifikimin botëror të Futsallës.
Bosnja është një ekip shumë i fortë. Hungaria nuk diskutohet që ka ekip shumë të mirë.
Ne jemi në pritje të marrjes së një përgjigjeje për natyralizimin e një lojtari brazilian. Përgjigjja me shumë mundësi vjen të hënën. Është një lojtar 26-vjeçar dhe ka nivel shumë të lartë. Vitin e kaluar ka shkuar deri në "Final Elite" në Europë dhe aktivizohet me skuadrën kampione të Italisë.
Futsalla në fakt ndryshon shumë nga futbolli në fushat e mëdha. Është një sport i çuditshëm. Forca e grupit, vendosja mirë e skuadrës, port edhe përgatitja taktike dhe fizike shumë e mirë të japin rezultate të larta.
Ne do japim maksimumin tonë edhe pse skuadrat që kemi përballë janë të një niveli më të lartë.
Kualifikimi në këtë raund ku ne jemi aktualisht është i tillë: Ekipi që renditet i pari shkon direkt në Europian. Skuadra e dytë dhe e treta më e mirë e grupeve shkojnë në play-off.
Objektivi ynë është fillimisht që të përfaqësohemi denjësisht, edhe pse ëndrra jonë është që të kualifikohemi në Europian.
Infrastruktura në Shqipëri e kushtëzon nivelin e Futsallës sonë që të eci përpara.
Aktualisht po ndërohet një sallë e re. Por, mendoj se me krijimin e sallave të reja, edhe niveli në Shqipëri do të rritet.
Unë prej tre vitesh jam trajner i Kombëtares së Futsallës dhe gjatë gjithë kësaj periudhe jam munduar që të rinovoj ekipin në mënyrë konstruktive.
Pra, lojtarët e rinj të marrin kohën e duhur dhe të përfshihen në skuadër ashtu siç duhet", deklaroi trajneri i Kombëtares së Shqipërisë në Futsallë, Erind Resuli.
https://www.youtube.com/watch?v=GqllI8QDEA4&app=desktop
Lexo gjithashtu
