Besa është duke u përgatitur për garën në Kategorinë e Parë. Kavajasit edhe sezonin që lamë pas ishin mes pretendentëve, mirëpo nuk ia dolën të rivalizojnë deri në fund. Drejtuesit me në krye Nexhat Bizhdilin janë duke punuar në heshtje, teksa kanë afruar edhe sulmuesin Jurgen Peqini.
21 vjeçari më herët ka mbajtur veshur fanellat e Teutës, Turbinës apo Erzenit dhe do të jetë pjesë e verdhezinjve për sezonin që vjen. Djaloshi njihet për aftësitë përpara portës, ndërsa pas afrimit të lojtarit brazilian, në Kavajë duket se po punojnë mirë, edhe pse në heshtje.
Loading ...
