Tërbuni ka bërë me dije rinovimin e kontratave me 3 futbollistë. Bëhet fjalë për Anderson Filipin, Samet Ruqin dhe David Markun. Përmes një njoftimi në kanalin zyrtar, klubi pukian tregon se ka arritur marrëveshjet, përkatësisht me mbrojtësin e djathtë, mesfushorin si dhe sulmuesin për të qenë pjesë e skuadrës edhe për dy sezone të tjera. Në lajmërimin e bërë, në faqen e Tërbunit shkruhej:
“Klubi Futboll Tërbuni Pulkë njofton të gjithë tifozët pukianë se ka arritur marrëveshjen për rinovimin e kontratave me 3 futbollistët, Anderson Filipi, Samet Ruqi dhe David Marku. Mbrojtësi i djathtë, 27 vjeçari Ruqi, mesfushori 20 vjeçar, Marku dhe sulmuesi 20 vjeçar, Filipi kanë firmosur për dy sezone me fanelën bardhekuqe”, bëhej me dije nga pukianët.
