Ismet Munishi është një nga trajnerët më në zë në Kosovë, jo vetëm për profesionin që ai ushtron, por edhe për “bëmat” që thotë nëpër studio televizive.
Kohët e fundit kritikat e tij kanë ardhur edhe në Shqipëri, kritika që nuk janë pritur mirë, pasi dihet se Munishi “thumbo” herë pas herë trajnerin e Ballkanit, Ilir Dajën. Por mesa duket Munishi ka larë “gjynahet” ditën e sotme.
Ismet Munishi sëbashku me ekipin e tij, Ferizaji, janë mundur ditën e sotme në mënyrë surprizë nga Prishtina e Re. Një hubmje që nuk pritej, por skuadra e Munishit u mund bindshëm 2-4. Ajo ç’ka bëri përshtypje është refuzimi i Munishit për t’u prononcuar tek gazetarët pas ndeshjes.
Nuk dihet e ardhmja e teknikut 48-vjeçar pas kësaj humbje, nëse do të vazhdojë të jetë nën drejtimin e Ferizajit apo jo.
