Shqipëria fitoi ndaj Moldavisë me rezultatin 4-0 në transfertë. Fitorja më e thellë për Kombëtaren tonë në transfertë. Keidi Bare është një nga lojtarët më të spikatur në Kombëtaren tonë dhe titullar me trajnerin Reja. Pas ndeshjes foli për supersport:
"Tani që shënoi dhe Rei nuk e di ça oferte do të bëj myzeqeja. Jam shumë i kënaqur që shënova unë po sidomos dhe Rei se pas ndeshjes me Turqinë kaloi një moment të keq. Kur kam ardhë me kombëtaren e madhe, kamë thënë që do të shkoj atje ku ka vendin sa më lart. Kemi një ekip të ri me lojtarë të rinjë dhe mendoj se në të ardhmen do të jemi shumë lartë. Kemi lojtarë që luajnë titullar në klubet ku janë kështu që jemi mirë", tha Bare
Mungesa ndaj Andorrës
"Nuk e dija që mungoja ndaj Andorrës por ne kemi lojtarë të tjerë që mund të më zëvendësojnë sështë problem besoj.
Golin ia dedikoj familjes time, dhe atyre ia dedikoj gjithmonë se më mbështesin gjithmonë", përfundoi Bare
