Presidenti i Tiranës kërkoi shtimin e të ardhurave nga FSHF, ja sa është shuma që akordon Federata në vit për klubet e Superligës

Presidenti i Tiranës, Refik Halili ngriti sot propozimin në Asamblenë e Përgjithshme të FSHF-së se duhet të rriten të ardhurat që përfitojnë klubet e futbollit si për ekipin që fiton kampionatin, Kupën e Shqipërisë, por edhe përfitimet nga të drejtat televizive.

Presidenti i FSHF-së, Armand Duka pranoi se kjo kërkesë do të merret në shqyrtim vitin e ardhshëm, por zbuloi se Federata akordon shumë financiare ekstra që i bashkëngjitet asaj që jep Digitalb për të drejtat televizive.

SHUMA FINANCIARE QË SHPËRNDAN NË VIT, FSHF PËR KLUBET E SUPERLIGËS:

Fituesi i Superligës: 100 milionë lekë të vjetra

Fituesi i Kupës së Shqipërisë: 50 milionë lekë të vjetra

Përfitimet nga të drejtat televizive: 30 milionë të vjetra për klub