Presidenti Armand Duka ka bërë një postim në rrjetet sociale për trajnerin e ri të Kombëtares. Kreu i Federatës Shqiptare të Futbollit i uron suksese brazilianit në këtë post të ri.
Kualifikimi në EURO 2024 është synimi i vetëm. Ndërsa Duka nuk harron të falënderojë edhe Edy Rejën për kontributin e dhënë:
“Nisëm sot një rrugëtim të ri për Kombëtaren kuqezi, që do të drejtohet nga braziliani Silvinjo, me ndihmësit e tij Zabaleta e Doriva.
I uroj shumë suksese në përmbushje të objektivit tonë, kualifikimin në EURO 2024.
Një falënderim i përzemërt shkon për ish-trajnerin Reja i cili kontribuoi shumë në rinovimin e skuadrës”.
