Dani Alves është arrestuar sot nga policia spanjolle pasi akuzohet për sulm seksual. Mbrojtësi veteran është në paraburgim pas një akuze të ngritur kundër tij në dhjetor të vitit të shkuar. Ai është arrestuar në Katalunja.
39-vjeçari ka dëshmuar mëngjesin e kësaj të premteje në stacionin e policisë “Mossos d’Esquadra de Les Corts”. Siç raporton “Goal.com” ai do të dërgohet në Gjykatën e Barcelonës, ku do të vendoset për situatën e tij. Çështja në fjalë po hetohet, ndërsa lojtari ka mohuar akuzat e ngritura ndaj tij.
Ngjarja e pretenduar ka ndodhur në një klub nate dhe për këtë ai ka thënë: “Po, unë isha në atë vend, me shumë njerëz duke u kënaqur. Ata që më njohin, e dinë që më pëlqen të kërcej. Po kërceja dhe po kënaqesha pa pushtuar hapësirën e tjerëve. Nuk e kush është ajo zonjë që më ka akuzuar. Unë kurrë nuk kam zënë vendin e askujt. Si do t’ia bëja një gruaje apo një vajze? Jo për Zotin!”
Lexo gjithashtu
