Sot, kombëtarja shqiptare do të përballet me Izraelin, ndeshje e vlefshme për Ligën e Kombeve. Kjo sfidë do të zhvillohet në orën 20:45 dhe pritet me interes paraqitja e kuqezinjve në fushën e blertë. Trajneri Christian Panuçi ka ideuar formacionin titullar, ndërkohë që një “armë” plus do të jenë edhe tifozët në shkallët e stadiumit.
Megjithatë tashmë është konfirmuar se tifo-grupi “Plisat” nuk do të jenë në mbështetje të kuqezinjve. Është kryetifozi Albert Kastrati që në rrjetet sociale bën me dije arsyen teksa shkruan: “Plisat në ketë ndeshje nuk marrin pjesë te organizuar (normalisht që Plisa do të ketë nëpër tribuna). Arsyeja është që ketë ndeshje nuk e organizon Federata Shqiptare, por komplet Ministria e Brendshme. Ta cakton tre ore para ndeshjes e nuk të siguron kurrgjë as me hangër e as me pi, plus edhe dy orë ndeshja e bohen 5 orë me nejtë në stadium. I kanë dhanë aq rëndësi këtij shteti (Izraelit) e në fakt kurrkujt nuk i kërcet me i bo send.
Kështu që na i urojmë fitore Shqipërisë e sa ma shumë probleme Ministrisë!”
Loading ...
