Plani i Tiranës, merkato dhe tjetër fazë përgatitore

Bardheblutë janë kthyer para dy ditësh në kryeqytet pas dy javëve fazë përgatitore të zhvilluar në Zllatibor të Serbisë. Tashmë skuadra do të qëndrojë në Tiranë derisa të përfundojë përforcimi i plotë i klubit në merkato duke vazhduar përgatitjet nën drejtimin e trajnerit Daja.

Problemet në sulm të Tiranës duket se do të zgjidhen më afrimin e dy futbollistëve që ishin në provë në Serbi, Miroslav Markoviç dhe Rjota Noma. Këta të dy janë të vetmit që duket se kanë bindur trajnerin Daja, ndaj dhe pritet që klubi të futet në negociata për të arritur në një marrëveshje me ta.

Pas përfundimit të merkatos, klubi po planifikon një tjetër fazë përgatitore prej 10 ditësh jashtë shtetit, këtë radhë për të konsoliduar grupin e plotë të futbollistëve që do të veshin fanellën e Tiranës në sezonin e ardhshëm.