Edi Martini është padyshim legjendë e futbollit shkodran, veçanërisht e skuadrës së Vllaznisë. Ish-lojtari i Kombëtares, përmes një statusi në rrjetet sociale, ka ironizuar situatën në të cilën gjenden kuqeblutë.
Trajneri i ri dhe drejtori sportiv u zgjodhën përmes një njoftimi publik ku kërkoheshin një sërë kushtesh. Kaq ka mjaftuar dhe tashmë Martini ka ironizuar në “Facebook” për kryetaren e Bashkisë së Shkodrës teksa shkruan:
“Ju lutem të gjithë kandidatëve të djathtë që dëshirojnë të kandidojnë për kryetare Bashkie në Shkodër, të sjellin CV-të e tyre nga ku do dalin edhe 3 ose 4 emrat për kryetar Bashkie në qytetin tonë. Pranojmë edhe nga rrethet e tjera. Kriteret janë si më poshtë:
– Morali në familje dhe në shoqëri.
– Pastërtia e besueshmëria.
– Besnikëria.
– Arsimi dhe vjetërsia në punë.
Në bazë të këtyre kritereve do zgjedhim edhe ata që do të kandidojnë për kryetar Bashkie në Shkodër”, përfundon Martini me ironi.
Loading ...
