Ka punuar në Itali te skuadra e Napolit, ndërsa aktualisht është pjesë e Partizanit si përgatitës atletik. Bëhët fjalë për Korrado Sakone i cili tregon disa prapaskena në kohën kur ishte pjesë e Napolit. Në një intervistë për “Spazio Napoli” Sakone tregon se si punonte me shpirt për skuadrën napolitane, klub në të cilin ai do të kthehej në këmbë në Itali. Më parë duhet të fitoi titullin kampion me Partizanin dhe tani që “demat e kuq” ndodhen në vendin e parë në kampionat objektivi është më afër.
“Një rikthim te Napoli? Absolutisht po! Napoli është si lëkura ime e dytë. Tetë vite në Kastel Volturno janë të rëndësishme, nuk harrohen. Nuk mburrem, por në trofetë e Napolit isha edhe unë i pranishëm. Ndoshta ishte fat, ndoshta diçka tjetër, por dhashë vërtet shpirtin. Këtë nuk e di askush, as presidenti: testet e para atletike në Napoli janë bërë me pajisjet e mia. Klubi nuk e dinte dhe unë nuk ua thosha. Po, në fillimet me Maxarrin, përdorja pajisjet e mia elektronike. Këtë sa për të thënë që punova me shpirt. Do kthehesha edhe në këmbë, as që bëhet fjalë. Ndoshta pasi të kem fituar kampionatin në Shqipëri. . .”