Janë zhvilluar ditën e sotme dy ndeshjet e radhës në kampionatin kosovar. Sfidat e vlefshme për javën e 8-të kanë sjell jo pak surpriza. Prishtina është mundur në shtëpi me rezultatin e pastër 0-2 nga Gjilani. Hajdari dhe Progni, ish-lojtari i disa skuadrave të ndryshme të Superligës shqiptare kanë vulosur fitoren e sotme të Gjilanit.
Ndeshja tjetër mes Trepçës-89 dhe Ballkanit u mbyll me rezultatin 4-3. Miqtë e drejtuar nga Ismet Munishi shënuan 3 gola me Gripshin, Krasniqin dhe Dakun, por Trepça përmbys gjithçka në 4-3. 3 golat e Sie dhe Nimani i dhanë fitoren skuadrës vendase.
Prishtina–Gjilani 0-2
Trepça‘89–Ballkani 4-3