Partizani lë Tiranën, ja kur mbërrin në Austri

Të kuqtë do të ndeshen mbrëmjen e 3 gushtit me Red Bull Salzburg për llogari të ndeshjes së kthimit të raundit të tretë eliminator të Champions League. Sfida e parë përfundoi me rezultatin 0-1 për austriakët, ndërsa të kuqtë nuk i kanë humbur shpresat për kualifikimin.

Trajneri Adolfo Sormani, i cili gjatë një periudhe të shkurtër kohore ka mbledhur skuadrën, duke vendosur rregulla të rrepta, ka kërkuar që ekipi të niset mëngjesin e së martës drejt Austrisë. Ndeshja e kthimit do të luhet të mërkurën, por tekniku kërkon që lojtarët dhe stafi të mos lodhen më tepër për këtë ndeshje.