Një debat i fortë ka ndodhur në panelin e emisionit “Skaner” mes Nevil Dedes dhe Gjergj Stefës. Ish-trajneri i Tiranës deklaroi se të kuqtë ishin ndërtuar që në fillim për kampionë.
Dede theksoi se 16 herë kampionët e vendit kanë një trajner si Ilir Daja që ka bërë punë të mirë bashkë me ndihmësit e tij.
“Unë e kam parë ndryshe Partizanin në fillim. Aq njohuri sa kam unë dhe me kualifikimin tim, mendoj se Partizani ka qenë një ekip i mirëmenduar. Skuadra është shumë e mirë dhe nuk ka mundësi për zëvendësime. Në situatën që shkon kokë më kokë me gjithë konkurrentët, katërshja e mbrojtjes rezulton se është e mirë për Dajën. Ka merita pafund Daja dhe bashkëpunëtorët e tij”, tha Dede.
Në këtë moment ndërhyri Gjergj Stefa, i cili i kujtoi deklaratat e tyre në fillim të sezonit. Gazetari sportiv u shpreh: “Ore më kanë lënë veshët mua apo çfarë? A keni thënë ju që do të ketë shumë vështirësi për trajnerin Ilir Daja? Ata këtë sezon kanë bërë mrekulli”.
Loading ...
