Golashënuesi më i mirë i momentit për Kombëtaren, Armando Sadiku u transferua me bujë sezonin e kaluar te Levante në kampionatin Spanjoll nga polakët e Legias së Varshavës. Por fatkeqësisht ai nuk arriti dot të shfaqte vlerat e tij për shkak të një dëmtimi, duke kaluar pjesën më të madhe të sezonit në stolin e rezervave.
27-vjeçari është nën kontratë te Levante deri në vitin 2020, por së fundmi mësohet se në drejtim të tij ka ardhur një ofertë tepër joshëse nga Turqia. Bëhet fjalë për ekipin e sapongjitur në superligën turke Rizespor, e cila kërkon një sulmues "rrace", dhe për këtë ka nisur negociatat me Levanten pikërisht për shqiptarin.
Spanjollët kërkojnë 1 milionë Euro për Sadikun, por nëse pranojnë të ulin disi çmimin për lojtarin e Kombëtares me shumë mundësi çdo gjë mund të mbyllet brenda javës që vjen.
[gallery columns="1" size="full" ids="203826"]
Lexo gjithashtu
