Juventus luan nesër në 18:00 me Udinesen në transfertë. Sfida vlen për javën e 34 të Serie A dhe është vendimtare për bardhezinjtë që nuk kërkojnë të rrezikojnë për një vend në Champions League nga sezoni që vjen. Në lidhje me sfidën ka folur trajneri i Zonjës, Andrea Pirlo.
“Udinese është një skuadër fizike e përbërë nga lojtarë me cilësi të jashtëzakonshme teknike, përtej De Paul dhe Pereyra. Ata pësojnë pak gola dhe kanë një organizim shumë preciz. Një ndeshje e vështirë na pret, ne kemi një qëllim të qartë në kokë.
Ronaldo është mirë dhe i qetë. Ai do të luajë me Dybala sepse Morata nuk është shumë mirë, ai kishte një problem në kofshë dhe ne do të vlerësojmë gjendjen e tij sot nëse e marrim atë në Udine me ne nesër. Jam mirë, fola me pronarët dje kur erdhën në stërvitje.
Ofedimet? Nuk gjej një risi këto fyerje nga njerëzit që fshihen pas një tastiere. Më vjen keq për djalin tim sepse nuk ka asgjë të bëjë me të, i shpjegova gjithashtu atij që nuk ka pse t’i kushtojë vëmendje. Ky është një problem social.
Kam lexuar nga ju për pasardhësit e mundshëm. Unë jam i qetë dhe i përqendruar në atë që duhet të bëj, nuk jam i ndikuar nga të gjitha këto thashetheme. Jam aq i përqendruar në atë që duhet të bëj sa nuk kam kohë të lexoj gazetat”, tha Pirlo.
Loading ...
