Klubi i Vllaznimit në Kosovë ka vendosur që për ditën e dielë të jetë më pranë tifozëve duke iu mundësuar këtyre të fundit të jenë të pranishëm në stadium më të shumtë në numër.
Nëpërmjet një njoftimi në faqen zyrtare të klubit njoftohet për hyrjen falas në stadium për të gjithë tifozët përgjatë gjithë sezonit në tribunën lindore si dhe 100 bluza falas për çdo ndeshje që do të luhet në shtëpi.
“Hyrje në “Lindje” falas
Të dielën, më 26 Gusht, Klubi juaj i zemrës e fillon një mision të ri. Një mision që realisht nuk e ka prit askush, por ja që ndodhi. Të dielën fillon misioni i rikthimit aty ku Vëllaznimi e ka vendin, i rikthimit në Super Ligën e Kosovës.
Është ky një mision të cilin mund ta kalojmë me sukses vetëm të bashkuar, të gjithë së bahsku – ju tifoz të nderuar, futbollistët, shtabi teknik dhe kryesia. Se do të jemi së bashku nuk dyshojmë për asnjë moment, sespe të tillë kemi qenë kur ka qenë më së vështiri.
Rikthimi në Super Ligë, nuk është i vetmi qëllim i këtij misoni, pasi paralelisht me këtë e kemi obligim të dëshmojmë që Vëllaznimi, edhe pse jo në Super Ligë, vazhdon të jetë klub i madh dhe me traditë, vazhdon të jetë klubi më i ndjekur nga tifozët, në tërë sportin kosovar.
Që kjo të realizohet, Kryesia e Vëllaznimit ka ndërmarr një hap konkret. Ajo ka vendosur që gjatë tërë kampionatit i cili fillon këtë të diel, hyrja në stadium, në ndeshjet e Vëllaznimit, në tribunën lindore, të jetë FALAS, në ndërkohë që për tribunën perendimore do të paguhen bileta.
Të gjithë ata që dëshirojnë që ndeshjet t’i përcjellin nga tribuna lindore preferohet që të kenë të veshura bluza me ngjyrat e klubit: Kuq e Zi. Për të ndihmuar në këtë drejtim, Klubi në çdo ndeshje si vendës do t’i ndan nga 100 bluza me këto ngjyra.
Në këtë mënyrë tifozët do të vazhdojnë traditën e shikueshmërisë së madhe por njëkohësisht edhe do të ndihmojnë Klubin e tyre të zemrës në realizimin e misionit – rikthimit në Super Ligë.
ë –
E Dielë: 26/08/18
Ora: 16:00
Stadiumi i Qytetit – Gjakovë
Të gjithë së bashku sprovat i kalojmë më lehtë. !”.
Loading ...
