Njeriu i momentit mund të ishte në Serinë  A që në 2009-ën, ja çfarë e pengoi!

Kievo nuk kishte një vend të lirë për futbollistët nga vendet jashtë Komunitetit Europian dhe vetëm ky fakt e pengoi Armando Sadikun të ishte pjesë e Serisë A që në vitin 2009, kur ai bëri një provë dymujore me klubin veronez. Dhe tani është pikërisht një medie lokale në Verona, “Corriere di Verona”,  që e zbulon këtë fakt,  duke parë famëm e madhe që ka marrë sulmuesi i Kombëtares së Shqipërisë, pas golit historik të shënuar në Francë. Aktualisht, Sadiku kërkohet nga shumë klube në Europë, por gjasat më të mëdha janë që ai të lërë Zvicrën dhe të kalojë në kampionatin turk, ku do të gjejë edhe Cikalleshin. Gaziantepspor dhe Rizespor po interesohen shumë seriozisht për sulmuesin e kuqezinjve.