Atalanta arriti të merrte pikën e parë në Champions League ditën e djeshme përballë Manchester Cityt. Mbrojtësi I Kombëtares, Berat Gjimshiti e nisi takimin si titullar dhe bëri një paraqitje mjaft pozitive. Në fund të ndeshjes për mediat, mbrojtësi I Kombëtares shqiptare u shpreh se Atalanta meriton kualifikimin për në Champions League.
“Kemi bërë një paraqitje të shkëlqyer, sidomos në pjesën e dytë. Në të parën kemi qenë pak në vështirësi, por pas pushimit e kemi marrë veten. Na ka munguar disi dhe fati, por e kemi merituar kualifikimin për në Champions League. Nuk kemi bërë mirë deri më tani, por dëshirojmë të marrin pikë dhe të fitojnë dy ndeshjet e mbetura”.
Loading ...
