Një miqësore mbyll fazën përgatitore të Tiranës

Skuadra e Tiranës do të mbyllë fazën përgatitore në Serbi, me një ndeshje miqësore. Takimi do të luhet në orën 18:00 me skuadrën e OFK Beogradit. Bardheblutë nesër do të rikthehen në Tiranë.

“Bardheblutë do të mbyllin zyrtarisht pjesën e parë përgatitore për sezonin e ri me një ndeshje të fundit miqësore. Tirana do të përballet me skuadrën e OFK Beograd në një test të fundit në Zlatibor. Ky takim do të luhet në orën 18:00 në fushën e kompleksit sportiv ku bardheblutë janë stërvitur dy javët e fundit. Kjo miqësore do të regjistrojë ditën përmbyllëse në Serbi dhe nesër skuadra do të rikthehet në Tiranë”, shkruhej në njoftimin zyrtar të Tiranës.

24 herë kampionët e Shqipërisë, krahas fazës përgatitore kanë bërë dhe disa afrime në skuadër. Megjithatë nuk do të mbyllet me aq, pasi drejtuesit bardheblu do të afrojnë edhe disa futbollistë të tjerë në skuadër, pasi do të tentojnë të fitojnë titullin e 25-të kampion të Shqipërisë.