Milan është hedhur në sulm për një qendërmbrojtës. Dëmtimi I brazilianit Leo Duarte ka bërë që drejtuesit të kërkojnë për një alternativë të re në tregun e janarit. Maldini dhe Boban e kanë hedhur vështrimin drejt Barcelonës, duke piketuar mbrojtësin e ri Jan Tobido. Trajneri Valverde nuk është bindur nga aftësitë e 20 vjeçarit, duke mos I besuar shumë minuta këtë sezon.
Tobido ka dhënë miratimin e tij për një transferim të tillë, duke preferuar të kalojë në Milano, aty ku do të ketë më shumë hapsira. Kuqezinjtë janë hedhur në sulm, duke I ofruar Barcelonës 20 milion euro për nj huazim me të drejtë blerje në fundin e sezonit. Palët janë në negociata dhe gjasat janë që gjithçka të kryhet me sukses. Vetëm pak ditë më parë, Tobido luajti kundër Interit në ndeshjen e Ligës së Kampioneve. I riu shihet si një lojtar me peshë, nisur kjo dhe nga mosha e tij e re.
