Suleiman Ndikumana është emri më i ri që qarkullon në klubin bardheblu. Sulmuesi është një njohje e vjetër e kryeqytetasve, pasi ai ka qenë pjesë e tyre në sezonin 2013-2014. Mësohet se drejtuesit e Tiranës kanë arritur një akord në distancë dhe ditët në vijim pritet një zyrtarizim i tij në zyrat e klubit bardheblu. Ndikumana iu bashkua bardhebluve në 31 janar të 2014, ku debutimin e tij zyrtar e pati pikërisht në një ndeshje derbi me Partizanin. Paraqitja e tij në kampionatin shqiptar ishte mbresëlënëse duke shënuar 12 gola në një vit e gjysëm, dhe siç duket kjo ka bërë që drejtuesit e Tiranës ta rikthejnë edhe një herë në skuadër.
