Sergio Conceicao do jetë trajneri i ri i Napolit. Portugezi drejtoi Porton sezonin që lamë pas, ndërsa u rendit në vendin e dytë në ligë, teksa eleminoi Juventusin në Ligën e Kampioneve. Sipas Gazzetta dello Sport, De Laurentis ka përzgjedhur Conceicaon, ndërsa do zëvendësojë të larguarin Gatusso.
Conceicao nuk është një emër I panjohur në Itali, teksa ka luajtur me Lazion, Parmën dhe Interin në kohën kur ende nuk kishte “varur këpucët në gozhdë”. Tanimë mbetet që gjithçka të bëhet zyrtare, teksa trajneri i ri ka rënë dakord me De Laurentis dhe do udhëtojë për në Napoli në ditët në vijim.
46 vjeçari veç Portos ka drejtuar edhe Olhanense, Coimbra, Braga dhe Guimaraes në Portugali, ndërsa në Francë skuadrën e Nantes.
Loading ...
