Dueli ndërmjet Besës dhe Trepçës ’89 solli emocione të shumta. Në fund, fitores iu gëzua Trepça '89 që triumfoi 3-2.
Por, gjyqtari kryesor i këtij takimi, Bajram Gashi dhe asistentët e tij kanë përjetuar dje diçka që nuk kishin mundur as ta mendonin.
Pas largimit nga stadiumi, konkretisht në dalje të qytetit të Pejës, një automjet i tipit Volkswagen me ngjyrë të zezë, ka ndjekur nga pas makinën në të cilin udhëtonin gjyqtarët e takimit të Superligës së Kosovës mes Besës dhe Trepça '89.
Pas ndjekjes, automjeti Volkswagen ka arritur të dalë para makinës në të cilin ndodheshin gjyqtarët dhe është ndalur. Por, arbitrat kanë arritur të shmangen disi dhe të vazhdojnë rrugën, shkruan Gazetasheshi.com.
Dëshmitarë nga vendi i ngjarjes tregojnë se mjeti tip Volkswagen që ndoqi dhe tentoi ta ndalë makinën e gjyqtarëve drejtohej nga zyrtarë të klubit të Besës.
Gjyqtarët edhe pas përfundimit të duelit gjatë rrugës për në dhomat e zhveshjes janë sulmuar nga tifozët, të cilët kanë hedhur sende të forta në drejtim të tyre.
Lexo gjithashtu
