Lei Kraja është një ndër moderatoret më të dashura të sportit dhe prej vitesh e shohim në “Supersport”.
Gjatë këtyre ditëve lart e poshtë kanë qarkulluar fjalë se bukuroshja ka lidhur kontratë me një tjetër televizion.
Mirëpo, këto thashetheme asnjëherë nuk u konfirmuan nga Lei, deri ditën e sotme ku në “Instagramin” e saj ka hapur rubrikën “Pyetje dhe përgjigje” dhe sigurisht nuk mund të mungonin pyetjet e ndjekësve kuriozë në lidhje me lajmet mbi largimin e saj.
Këto “thashetheme” u konfirmuan nga Lei e cila mjaft entuziaste ka bërë të ditur kontratën e saj të re.
“A është e vërtete që do jesh te Euronews për Evropianin?”, e pyet ndjekësi, teksa Lei i është përgjigjur me “Po”,dhe një “emoji” me zemra.
Pra, tani nuk ka më dyshime, duke filluar nga data 11 qershor Lei do të zbukurojë ekranin e “Euronews” nga ku do komentojë me të ftuarit ndeshjet e “Europianit 2020”.