Lushnja e Gugash Maganit është më gati se kurrë për misionin “Superiore”. Skuadra myzeqare po stërvitet intensivisht nën urdhrat e trajnerit peqinas, teksa do të jenë pretendentë kryesorë në sezonin e ri futbollistik.
Përmes një postimi të bërë në kanalin zyrtar, lojtarët bashkë me stafin teknik shfaqen mjaft të motivuar ndërsa shkruajnë: “Ekipi është gati. Synimi këtë vit do të jetë ngjitja në Superiore. Skuadra është përforcuar shumë”.
Interesi është i madh për të parë se si do të jetë paraqitja e lagunarëve në këtë sezon futbollistik, ndërsa nuk kanë munguar as afrimet cilësore.
