Kombëtarja shqiptare në muajin mars do të luajë ndeshje miqësore dhe Kili është kundërshtari i parë për kuqezinjtë. Më 22 mars në orën 20:45 kuqezinjtë do të duelojnë me skuadrën kiliane për herë të parë në histori mes tyre.
Kjo përballje siç dihet tashmë do të zhvillohet në “Ennio Tardoini” të Parmës në Itali, ku me shumë gjasa tifozët shqiptarë do të pushtojnë stadiumin. Për këtë duel Kili ka bërë publike edhe listën e lojtarëve të grumbulluar.
Vlen të theksohet se Ricaerdo Gareca do të debutojë në stolin e Kilit pikërisht në sfidën ndaj “djemve” të Sylvinhos.
“Ne e kemi pëlqyer gjithmonë Claudion, edhe pse ai aktualisht është zëvendësues te Betisi. Të shohim se në çfarë gjendje është. Kjo është arsyeja e ftesës. Edhe sepse ai po stërvitet normalisht, pavarësisht se nuk po luan”, theksoi trajneri argjentinas.
Lexo gjithashtu
