Milan nuk po heq dorë nga Renato Sanches, i cili është ndër objektivat kryesorë të merkatos që prej fillimit. Vështirësitë u shtuan nga PSG, që u fut fuqishëm në garë për shërbimet e portugezit. Kur gjërat dukej se po anonin në anën e francezëve, raportimet e fundit tregojnë se asgjë nuk është mbyllur.
Kështu sipas “calciomercato.com”, Milan po mundohet për Sanches që shihet si pasues i Kessie. E sigurt është që lojtari nuk do jetë i Lille për sezonin e ardhshëm. Kjo bën që gjithçka të jetë e hapur, me të gjithë palët që kërkojnë të dalin të fituar nga kjo histori.
