Nesër në orën 17:00 do të luhet Superkupa e Italisë mes Milanit dhe Juventusit. Një ditë para takimit klubi i Milanit ka marrë një ofertë për sulmuesin francez M’Baye Niang.
Kampioni i Anglisë Leicester City ka kërkuar shërbimet e sulmuesit dhe ka kërkuar transferimin e tij në Angli në merkaton e janarit. Kërkesa nga Leicester City vjen në një moment kritik për ekipin italian, pasi në këtë moment e vetmja gjë që nuk i bën mirë është largimi i lojtarëve, aq më shumë një futbollist si Niang.
Ka qenë vetë Claudio Ranieri që ka shprehur interesim për sulmuesin për ta transferuar këtë të fundit në Angli.
Mendohet se Leicester City ka ofruar plot 20 milionë euro për shërbimet e sulmuesit në merkaton e janarit.